Diwrnod arall o wylio'r rygbi fuodd o i mi heddiw, 'ta ddoe oedd hi deudwch?
Rwan 'dwi fel pob Cymro arall yn 'gutted' fod y bois allan o'r bencampwriaeth fawr, ond gadewch i ni fod yn onest, doedd o ddim mwy nag oeddan nhw'n ei haeddu. Er hynny doedd cefnogi Lloegr heddiw ddim yn opsiwn i mi (fel i lawer Cymro arall dwi'n siwr) - dim ond dau dim oedd yn y gystadleuaeth i mi o'r cychwyn, Cymru ac unrhyw un sydd yn chwarae yn erbyn Lloegr. Felly y tim arall gafodd fy nghefnogaeth wrth i mi ymweld a Betfair cyn y gem. A beth wnaethon nhw? Gwneud i mi golli fy spondoolics i'r bwci! Dyna i chi 'double whammy' go iawn!
Be' wnes i am y peth? Gwneud y peth call a rhoi bet fach ar Les Bleus i guro'r Cewri Duon! Mon Dieu mae angen soffa newydd arna i wedi 80 munud o neidio i fyny ac i lawr arno fo yn gweiddi 'Allez Les Bleus' (mi wn i, yn y clwb ddylwn i di bod, ond roedd gen i waith cartref i'w orffen cyn ysgol Sul B&Q fory!). Rwan ma digon gen i am ambell wydraid bach nos fory - ar ol gorffen fy ngwaith cartref wrth gwrs!
Dim ond neithiwr ('ta echnos oedd hi?) yr oeddwn yn gwrando ar broffwydolion ITV yn gwbl sicr na fyddai hemisffer y Gogledd unrhyw le yn agos i'r rownd derfynnol - pwy 'sa'n gwrando ar broffwyd dwedwch?
Be' nesa?
Yn y rownd gyn-derfynnol?
Wel, Allez les Bleus wrth gwrs
Hwyl a slepjans!
Entrada més recent Entrada més antiga Inici
Subscriure's a:
Comentaris del missatge (Atom)
0 ymatebiad:
Publica un comentari a l'entrada